Laguna Lake Development Authority(DENRLLDA)

G. ARMAN DOLLIENTE Blk. 8 Lot 51 La Montagna Bagumbayan, Teresa, Rizal Mahal na G. Dolliente: Ito po ay may kaugnayan sa inyong liham na ipinadala sa amin na humihiling na mabigyan ng Privilege to Operate (PTO) ang inyong isang (1) piraso na fishcage na ilalagay sa lawa sa laot ng Quisao, Pililla Rizal. Nais po naming ipabatid sa inyo na ang implementing rules and regulations (IRR) ng LLDA Board Resolution No. 540 s. 2018, o ang tinatawag na Zoning and Management Guidelines (ZOMAG), ay nilagdaan na at isa ng ganap na batas matapos na ito ay mailathala sa pahayagan at maipatala sa Office of the National Administrative Register. Ang nasabing IRR (na pinagtibay ng LLDA BR No. 561, series of 2019) ang pangunahing gabay sa maayos na pagpapatupad ng mga bagong alituntunin para sa kaayusan ng operasyon sa pangingisda sa Lawa ng Laguna. Sa kadahilanan na ang sektor ng mga mangingisda ang prayoridad sa pagbibigay ng PTO, ang pagpapatala ng mga lehitimong mangingisda ay isinasagawa ng LLDA bilang isa sa mga kinakailangan para sa alokasyon ng mga fishcage area at PTO sa Laguna Lake. Ayon sa huling datos, umabot na sa halos 14,000 ang mga rehistradong mangingisda na nagnanais makakuha ng PTO. Dahil sa limitadong area na kayang ilaan batay sa dami ng nagnanais na magkaroon ng sariling area, pansamantalang nilimitahan ang pagtanggap ng aplikasyon ng mga PTO sa mga datihang may permiso sa LLDA. Ito ay upang mai-sigurado na ang kabuuang sukat ng mga fishcage area (baguhan man o datihan) ay hindi lalampas sa itinakdang fishcage belt alinsunod sa 2018 ZOMAG. Sa kadahilanang kayo po ay hindi kasama sa talaan ng mga may datihang permit o PTO sa LLDA, and inyong hiling na mabigyan ng PTO upang makapag operate ng fishcage sa lawa ay pansamantalang hindi namin mapagbibigyan. Asahan po ninyo na matapos ang pagsasa-ayos ng talaan hinggil sa karampatang sukat na ibibigay para sa mga baguhang fishcage operators ay daglian po namin itong ipapaalam sa inyo upang masimulan ang proseso ng inyong aplikasyon. Para sa anumang karagdagang mga katanungan o paglilinaw ay maaaring makipag-ugnayan sa aming Environmental Regulations Department – Clearances and Permits Division sa pamamagitan ng telepono bilang 8376-4072 loc. 104 o mag-email sa [email protected]. Inaasahan namin ang inyong patuloy na kooperasyon tungo sa pagsasa-ayos ng mga lugar pangisdaan sa lawa ng Laguna. Maraming salamat po. Engr. Melgar S. Villavicencion FOI Receiving Officer