Department of Labor and Employment(DOLE)

17 January 2020 Minamahal naming Marycris Nini: Ito po ay may kinalaman sa iyong mga katanungan ukol sa kahalagahan ng resulta ng inspeksyon bilang ebidensya sa kaso. Ang mga sumusunod ay buod ng aming mga kasagutan: 1. Patungkol sa una mong katanungan, nais naming ipabatid sa iyo na sa kasalukuyang sistema ng aming enforcement o pagpapatupad ng mga batas sa pag-gawa sa pamamagitan ng inspeksyon, ang aming pinaiiral na polisiya ay ang DOLE DO 183 s. 2017 na kung saan ay wala ng tinatawag na Final assessment findings na nasa sinundan nitong Department Order. 2. Ang Notice of Result o NR ay maaaring pagbasehan ng pagpafile ng kaso kung hindi ito maresolba sa isinagawang mandatory conference. Ngunit hindi lamang ito ang maaaring pagbasehan sa pagdedesisyon lalo na kung may mga higit na mas mabigat na ebidensya ang kabilang panig. 3. Sa iyong ikatlong katanungan, bagaman may rekomendasyon ang batas kung gaano katagal bago magbaba ng desisyon ang DOLE Secretary, ito ay nakabatay pa rin sa tinatawag na due process para sa magkabilang panig at volume ng mga kasong pumapasok sa kanyang tanggapan. 4. Gaya ng aking nabanggit kanina, ang NR ay isa lamang sa mga maaaring pagbasehan ng hukom. May mga iba pang bagay na maaaring makapagpabago ng appreciation ng hukom sa aming mga findings katulad ng walang dokumentong magpapatibay sa mga resulta ng inspekson. 5. Kayo po ay maaaring magtungo sa aming tanggapan o iba pang tanggapan ng DOLE na malapit sa iyo para magreport ng mga pang aabuso Maaaring pakibasa po lamang ang DO 183 s. 2017 na kalakip ng aming kasagutan. Para po sa karagdagang katanungan maaari nyo po kaming tawagan sa mga numerong 1349 DOLE Hotline at 8527-3000 loc 307. Marco Antonio S. Valeros, MD FOI Decision Maker